Roma i vendos çmim portierin Alison, ja sa duhet të paguajë Liverpuli

Liverpuli duhet të paguajë 50 milionë euro nëse dëshiron Alison Bekerin në “Anfield”. Roma ia ka bërë të qartë skuadrës angleze se nuk dëshiron që të heqë dorë nga braziliani pa këtë shumë.

Alison, i cili iu bashkua verdhkuqve për 8 milionë euro në vitin 2016, është zbulimi i këtij sezoni në Serie A dhe falë performancave të tij shumë klube evropiane kanë shprehur interesim për të, përfshirë Liverpulin dhe PSG-në.

Roma është në dijeni se lista e klubeve të interesuara për portierin brazilian është duke u rritur, ndaj dhe i ka vendosur një shifër të lartë për të filluar negociatat. /Koha Jonë/