Roma ndalet nga Sampdoria, Xheko shpëton verdhekuqtë (VIDEO)

Roma nuk shkon më shumë se një barazim 1-1 në ndeshjen e prapambetur ndaj Sampdorias.  Të dyja skuadrat dhuruan një 90 minutësh shumë të bukur me raste të shumta shënimi.

Ndeshja u zhbllokua në minutën e fundit të pjesës së parë, teksa gjyqtari Oresato i ndihmuar edhe nga “VAR” akordoi një 11-metërsh pas një prekje të topit me dorë nga Kolarov në zonë. Roma kërkon barazimin në pjesën e dytë, por e gjen atë vetëm në minutën e 91-të. Edin Dzeko shënoi golin e vetëm për ekipin e tij.

Ky barazim e mban Romën në vendin e pestë në kuotën e 41 pikëve, 2 më pak se Interi. /Koha Jonë/