Roma organizon darkë para udhëtimit në Tiranë, por truprojat dhunojnë gazetarin (VIDEO)

Sporti E Mërkurë, 18 Maj 2022 20:26

Futbollistët e Romës së fundmi kanë organizuar një darkë për relaksuar para udhëtimit për në Tiranë, ku do të luajnë finalen e Conference League ndaj Feyenoord

Darka gjithsesi duket se nuk kanë shkuar sipas parashikimeve. Lojtarët janë grumbulluar në një restorant në qendër të qytetit dhe mediat që e mësuan vrapuan që të bënin foto dhe videot e rastit.

Sipas “Il Messaggiero”, një gazetar i saj dhe 2 fotografë kishin gjetur mënyrën se si të fotografonin ambientin ku ishin ulur lojtarët, duke i kërkuar ndihmë një banori në një pallat që kishte pamje nga lokali ku gjendeshin futbollistët e skuadrës verdhekuqe.

Truprojat e Romës i kishin pikasur dhe me të mbaruar darka, i kishin rrethuar të tre këta persona duke i kërcënuar për fotot që kishin bërë.

Skena është filmuar nga një prej fotografëve dhe një nga truprojat e kishte mbërthyer duke e goditur dhe duke e kërcënuar që të fshinte pamjet. Vetëm ndërhyrja e forcave të rendit kishte bërë që situata të qetësohej.