Rrahmani me Covid-19? Klubi i Napolit sqaron gjithçka

Klubi i Napolit ka përgënjeshtruar lajmet e shpërndara në disa media italiane se Amir Rrahmani dhe përgatitësi atletik i klubit janë infektuar me COVID-19. Në një njoftim të fundit, “të kaltrit” bëjnë me dije se dy tamponët e marrë së fundmi kanë marrë përgjigje negative për mbartjen e koronavirusit.

Përgjigja përfundimtare e Napolit i ka qetësuar të gjitha palët. Pritet që Rrahmani t’i bashkohet përfaqësueses së Kosovës për ndeshjet e radhës në Ligën e Kombeve. Deri më tani te Napoli vetëm Zielinski dhe Elmas janë të infektuar.