Salah reagon për herë të parë pas dëmtimit, ky është mesazhi i tij

Finalja e Ligës së Kampionëve dje në mbrëmje dhuroi shumë emocione, por padyshim minuta e 30-të e ndeshjes ishte ajo që vendosi shumë për fatin e këtij takimi. Mohamed Salah u detyrua të largohet nga fusha e lojës mes lotëve pasi ndjente shumë dhimbje në shpatull pas një përplasje me Ramos.

Pas ndeshjes dolën lajmet se ai rrezikonte të qëndronte rreth gjashtë javë larg fushave, që do të thoshte se nuk do të ishte gati për Kupën e Botës. Por ai nuk është dorëzuar, dhe nëpërmjet një postimi në Instagram, ka deklaruar se do të luftojë deri në fund për të qenë pjesë e botërorit.

“Ishte një natë shumë e vështirë, por unë jam një luftëtar. Megjithëse shanset nuk janë të mira, kam besim se do të jem në Rusi për t’iu bërë të gjithëve krenar. Dashuria dhe mbështetja juaj do të më japë forcën e duhur”, ka shkruar Salah. /Koha Jonë/

It was a very tough night, but I’m a fighter. Despite the odds, I’m confident that I’ll be in Russia to make you all proud. Your love and support will give me the strength I need.

A post shared by Mohamed Salah (@mosalah) on May 27, 2018 at 9:34am PDT