Sekreti i portierit Neuer, prej 9 vitesh luan me metal në këmbë

Portieri i Bajernit të Mynihut, Manuel Neuer prej një dekade ruan një sekret të madh.

Përveç operacionit të sezonit të kaluar dhe këtij të fundit, Neuer është operuar edhe një herë tjetër. Bëhet fjalë për të njëjtin problem, por në këmbën e djathtë. Ai ka rreth nëntë vite që luan me një pjatë metalike mes kockave të tij dhe asnjëherë nuk ka ndierë shqetësime.

“Në këmbën e djathtë kam pasur të njëjtin dëmtim te Schalke 04 në vitin 2008. Atëherë u përdor një metal, të cilin ende e kam. S’kam pasur kurrë probleme me të dhe ndihem rehat, madje”, – tha Neuer për “Sport Bild”.

Kujtojmë që Neuer pritet të rikthehet gjatë janarit pasi ditë më parë është dëmtuar në këmbën e majtë dhe tashmë ka hyrë në fazën rikuperuese.