Sergio Ramos është njeriu i rekordeve, tani arrin edhe një tjetër

Sergio Ramos nuk është një mbrojtës i zakonshëm, në të mirë e në të keq. Pasi ka mahnitur gjithë botën me gola përcaktues në finalet e mëdha ndërkombëtare, Ramos mbrëmë ka hedhur një tjetër hap drejt një tjetër rekordi, veçse këtë herë negativ.

Kapiteni i Real Madridit u ndëshkua me karton të kuq (dy të verdhë) në sekondat e fundit të fitores 3-0 kundër Deportivo La Coruna, pasi goditi me brryl Borja Valle në një duel ajror.

Për 31-vjeçarin është karton i i 18-të që merr gjatë karrierës së tij në La Liga, duke barazuar rekordin e mbajtur nga Xavi Aguado dhe Pablo Alfaro, dy ish-lojtarë të Real Zaragoza.

Duke pasur parasysh që Ramos është ende në aktivitet, me siguri që do të ketë mundësi ta bëjë plotësisht të vetin rekordin, pa e ndarë me dy ish-mbrojtësit e Zaragozës.