Shaqiri mund të transferohet te Galatasaray në Turqi

Edhe pse aventura e tij ka nisur mjaft mirë me Liverpoolin, Xherdan Shaqiri mund të largohet shumë shpejt nga klubi i madh anglez. Në merkaton e janarit ai mund të huazohet te skuadra turke, Galatasaray sipas portalit “transfermarketweb.com”.

Shkak për këtë është se shqiptari nuk e ka vendin e sigurt në formacionin e Jurgen Klopp. Shumicën e ndeshjeve të këtij sezoni, Shaqiri i ka nisur nga stoli dhe kjo ka bërë që të mendohet seriozisht ideja e largimit.

Ai ka kontratë me Liverpoolin deri në vitin 2023, madje në shtatë ndeshje të zhvilluara në Premier League ka shënuar një gol dhe ka kontribuar me dy asiste.