Sherri te Juventusi, zbulohen tre lojtarët që i kërkuan klubit të shiten në janar

Pak ditë më parë, agjencia e lajmeve “Dagospia” raportoi lajmin për një sherr të ndodhur në dhomat e zhveshjes mes “senatorëve” dhe lojtarëve të huaj të Juventusit. Por ky lajm më pas u përgënjeshtrua nga drejtuesit e kampionëve të Italisë.

Por nuk ngelet me kaq, pasi agjencia e lajmeve “Dagospia”, që nxorri lajmin në Itali shkon edhe më tej, teksa kishte shkruar më parë se tre lojtarë të Juventusit kishin kërkuar shitjen në janar pas sherrit me “senatorët” e skuadrës. Alex Sandro, Lichtsteiner dhe Cuadrado kanë kërkuar nga klubi të shiten në merkaton e janarit, pikërisht për shkak të atmosferës së krijuar së fundmi në ekip dhe janë të pakënaqur me trajtimin nga klubi.