Shorti i Championsit, ja më kë do të përballej Tirana nëse do kalonte Zvezdën

Para pak minutash është hedhur shorti i raundit të tretë të Ligës së Kampionëve, ku skuadrat kanë mësuar përballjet. Crvena Zvezda, ekipi që eliminoi Tiranën, ka “peshkuar” një kundërshtar relativisht të kalueshëm, teksa do të përballet ndaj qipriotëve të Omonias në transfertë.

Në përballjet e tjera, vlen të theksohet takimi mes Ferencvaroshit dhe Dinamos së Zagrebit. Skuadra e Uzunit do të presë në shtëpi, kampionët e Kroacisë, ku aktivizohet shqiptari i Kosovës, Lirim Kastrati.

Kujtojmë që Uzuni dhe Kastrati ishin pjesë e Lokomotivës së Zagrebit sezonin e shkuar, ku shkruan historinë së bashku. Sfidë tepër interesante pritet të jetë dhe ajo mes PAOK dhe Benficës.