Shorti i Europa League/ Laçi rrezikon Mourinhon, Kukësi mund të sfidojë Wolfsburgun

Skuadrat e Kategorisë Superiore u kualifikuan të gjitha për në turin e dytë eliminator të Europa Leagues, ndërsa numri i skuadrave shqiptare që do të garojnë në këtë nivel, shkon në 6, duke shtuar edhe Shkëndijën, Renovën e Dritën.

Sot në orën 13:00, në shtëpinë e UEFA-s në Nyon do të hidhet edhe shorti i turit të dytë eliminator, ndërsa mbrëmjen e djeshme organizatorët bënë edhe ndarjen në vazo të skuadrave, duke përcaktuar kundërshtarët e mundshëm të ekipeve shqiptare.

Kukësi do të përballet me njërën mes gjermanëve të Ëolfsburgut, kroatëve të Hajdukut të Splitit dhe boshnjakëve të Zrinjskit. Tre kundërshtarët e mundshëm për Teutën janë spanjollët e Granadës, qipriotën e Apollon Limasolit dhe rumunët e Steauas së Bukureshtit.

Laçi ndërkohë në turin e dytë mund të përballet me Tottenhamin e Jose Mourinhos. Londinezët, izraelitët e Hapoel Ber Sheva dhe ukrainasit e Kolos Kovalivka.

Disi më modeste janë tre skuadrat me të cilat mund të përballet Shkëndija e Tetovës në këtë tur, pasi bëhet fjalë për CSKA-në e Sofies, rumunët e Botosanit dhe moldavët e Sfintul Suruceni.

Kukësi dhe Renova:

Wolfsburg (Gjermani)

Hajduk Split (Kroaci)

Zrinjski (Bosnjë)

Laçi:

Totenhem Hotspur (Angli)

Hapoel Ber Sheva (Izrael)

Kolos Kovalivka (Ukrainë)

Teuta:

Granada (Spanjë)

Apollon Limasol (Qipro)

Steaua Bukuresht (Rumani)

Shkëndija:

CSKA Sofia (Bullgari)

Botoshani (Rumani)

Sfintul Suruceni (Moldavi)

Drita:

Ararat-Armenia (Armeni)

Connah’s Quay Nomads (Uells)

Fola Esch (Luksemburg)

Sileks (Maqedoni)

Budućnost Podgorica (Mali i Zi)

Dinamo Tbilisi (Gjeorgji)

Astana (Kazakistan)