Shqipëria nis kontaktet me një “pijanec” për të zëvendësuar Panuccin

Christian Panucci mund të largohet nga drejtimi i Kombëtares sonë, sonte në mbrëmje nëse nuk arrin një rezultat pozitiv ndaj Uellsit. Mediat italiane kanë nxjerrë si kandidat të mundshëm për stolin kuqezi, Alberto Malezani.

Që prej vitit 2014, ku për një muaj ai zëvendësoi Di Françescon në stolin e Sassuolos, Malezani është pa skuadër dhe tani kërkon të drejtojë një kombëtare. Ai është një trajner mjaft i njohur në Itali dhe ka drejtuar shumë ekipe, por shpesh herë ka zënë edhe faqet e para të gazetave italiane për shkak të abuzimit me alkoolin.

“Më kanë thënë se jam i dehur sepse pija verë. Krijuan profile false për mua, unë nuk kam tërhequr vëmendje, kurrë nuk kam thënë se dua të ndalem këtu në trajnerim, dua të stërvit sërish, ndoshta ndonjë kombëtare”, ka deklaruar Malesani për “Sky Sport”.