Shtohen problemet për Panuccin, sulmuesi i talentuar braktis grumbullimin

Vazhdojnë të shtohen problemet për Christian Panuccin. Numri një i stolit është prekur nga dëmtimet e lojtarëve dhe ka patur shumë mungesa.

Federata Shqiptare e Futbollit ka shpërndarë informacionin se Rey Manaj ka lënë grumbullimin. Sulmuesi lushnjar nuk do të jetë me Shqipërinë në ndeshjen ndaj Uellsit, pasi do të kthehet në Spanjë. Mungesa e tij arsyetohet me një gjendje gripale.

Në prag të miqësores së sotme, probleme ka shfaqur edhe Taulant Xhaka. Në konferencën e së hënës për shtyp, tekniku Panucci u shpreh se kishte shumë pak lojtarë në dispozicion, thuajse 16.

Në fakt, momentalisht në grumbullimin e Shqipërisë janë 21 futbollistë sipas zyrës së shtypit të Federatës Shqiptare të Futbollit.