Shtyhen zgjedhjet për presidentin e ri te Barcelona, shkak bëhet pandemia

Zgjedhjet presidenciale në klubin e Barcelonës, që ishin planifikuar për në datën 24 janar, janë shtyrë në një afat të pacaktuar, për shkak të situatës së vështirë të krijuar nga koronavirusi.

Pas një mbledhjeje mes qeverisë së Katalunjës dhe përfaqësuesve të klubit “blaugrana” është vendosur që zgjedhjet të mos mbahen më 24 janar, duke qenë se situata me koronaviurusin është shqetësuese dhe rastet e reja vijojnë të shtohen.

Drejtuesit e Barcelonës po mendojnë edhe votimin me postë si një zgjidhje për realizimin sa më shpejt të procesit zgjedhor, por kjo alternativë kërkon edhe ndryshime në statutin e klubit, që nuk parashikon këtë formë votimi.