Simeone flet i trishtuar pas eliminimit nga Championsi

Atletico Madridi është jashtë Champions Leagues. Trajneri Diego Simeone e sheh si diçka pozitive eliminimin nga Liga e Kampionëve, pavarësisht se “dhemb një gjë e tillë”.

“Është e dhimbshme, sepse futbolli është i mrekullueshëm. Nuk duhet të gjejmë shkakun që nuk kaluam tutje. Kundër Qarabag kishim shumë raste në “Wanda Metropolitano”, por nuk e konkretizuam asnjë. A është dështim eliminimi nga Championsi? Dështim jo, sepse është një situatë që mund edhe të na ndihmojë pasi tashmë do të luajmë në Europa League”, tha Simeone pas eliminimit nga Championsi.

Atletico Madridi është eliminuar nga faza e grupeve të Champions Leagues për herë të parë që nga viti 2013, dhe tani do të garojë në Europa League, trofe të cilin e fitoi në vitin 2012 kundër Athletic Bilbaos.