Simeone rinovon me Atleticon, do të fitojë më shumë se Griezmann

Diego Pablo Simeone ka vendosur të rinovojë kontratën me Atleticon e Madridit, teksa kontrata aktuale skadon në qershor të vitit 2020.b Sipas “Marca”-s, bisedimet që kanë nisur verën e kaluar shumë shpejt do të mbyllen me nënshkrimin e kontratës së re, që do ta bëjë atë më të paguarin e klubit.

Simeone do të fitojë edhe më shumë se Antoine Griezmann, që rinovoi kontratën e tij gjatë Botërorit “Rusi 2018” me një page rreth 20 milionë euro në vit, duke zhgënjyer tifozët e Barcelonës, që po e prisnin me padurim.

Në kontratën e Simeones është shtuar një klauzolë, sipas së cilës, trajneri mund të largohet nëse klubi nuk e respekton marrëveshjen me të.