Sistemi “VAR” futet edhe në kompanitë e basteve, zbulohen koefiçentët dhe mënyra se si mund luhet

Nga fundjava e ardhshme, çdo lojtar i basteve në futboll mund të luajë në kompanitë e basteve për përdorimin e VAR-it në një ndeshje futbolli.

Ky bast do të kuotohet për herë të parë duke filluar të shtunën nga ndeshja Juventus–Torino.

Për momentin teknologjia më e re është e instaluar në Bundesliga dhe Serie A, ndërsa Premier Liga dhe La Liga priten ta vendosin në zbatim sezonin e ardhshëm.

Një lajm interesant vjen nga Italia, ku thuhet se VAR-i tashmë mund të luhet edhe në kompanitë e basteve, ku lojtarët do t’i kenë tre mundësi: Nëse ndihma nga VAR-i do të përdoret së paku një herë, kuota do të jetë 1.60, në rast të mos-përdorimi, 2.60. Shansin për ta dhënë një goditje dënimi me konsultim të video asistentit, do të jetë 3.00. Me sa duket edhe me sistemin “VAR”, futbolli nuk gjen dot “shpëtim” nga bastet.