Skocia në alarm nga dëmtimet, një tjetër lojtar braktis grumbullimin

Të shtunën në orën 20:45 në “Loro Boriçi” të Shkodrës do të luhet dueli ndërmjet Shqipërisë dhe Skocisë, i fundit për fazën e grupeve në Ligën e Kombeve. Kuqezinjtë në këtë ndeshje janë disi më të favorizuar duke marrë parasysh faktin se skocezët vijnë me shumë dëmtime.

Mbrojtësi i Aberdinit, Michael Devlin, braktisi mbrëmë kombëtaren skoceze, duke u bërë lojtari i gjashtë, i cili largohet nga grumbullimi si i dëmtuar. Menjëherë, trajneri i Skocisë, McLeish, ka grumbulluar lojtarin e Celtic, Jack Hendry për të zëvendësuar mbrojtësin e dëmtuar.

Gjithsesi, situata e Skocisë është alarmante, sepse kundërshtari ynë vjen në Shqipëri dhe luan kundër Izraelit me 10 mungesa të sigurta, të cilët fare mirë mund të ishin titullarë. Devlin i bashkohet Gordon, Stephen O’Donnell, Mulgreu, Kevin McDonald, të gjithë të dëmtuar.