Spalleti “mace e zezë” për Milanin, nuk humbet prej 12 vitesh

Në “San Siro” do të jenë drejtuar sytë e gjithë botës mbrëmjen e sotme, ku Interi dhe Milani do të luajnë atë që nga të gjithë njihet si derbi i Madoninnës.

Luciano Spalletti cilësohet si “Macja e zezë” për Milanin, pasi ka një bilanc mjaft pozitiv në përballjen me kuqezinjtë, gjatë eksperiencës së tij si trajner, ku numëron 11 fitore, 5 barazime dhe 7 humbje.

Për më tepër, vlen të theksohet se Luciano Spalletti nuk humbet një ndeshje ndaj Milanit, që prej majit të 2006-ës, kur kuqezinjtë mposhtnin Romën me rezultatin 2-1.

Megjithatë, përtej shifrave dhe statistikave, verdiktin e derbit të Milanos do ta japë fusha e “San Siros”, në sfidës që do të startojë në orën 20:30.