Spalletti: Derbi vlen më shumë se një fitore

Trajneri i skuadrës së Interit, Luçiano Spalletti ka theksuar në prag të ndeshjes me Milanin se derbi vlen më shume se tre pikë për shkak të rivalitetit të madh mes tyre.

“Derbi është nga ato sfida ku nuk luhet vetëm për 3 pikët. Natyrisht që pikët janë të rëndësishme në çdo sfidë, por një derbi mobilizon gjithë qytetin, është fitore krenarie dhe mbi të gjitha rrit entuziazmin në skuadër dhe mes tifozërisë.

Derbi është nga sfidat më të lehta për t’u përgatitur, pasi vetë atmosfera që krijohet në qytet, nxit angazhimin maksimal të lojtarëve. Të gjithë i kam parë të përqendruar vetëm te ndeshja e nesërme, duke mos menduar aspak për sfidën ndaj Barcelonës. Kjo më pëlqen, pasi në përfundim të derbit, do të kemi kohë të mendojmë për katalanët”, tha Spalletti.