Spartaku i Moskës refuzon të luajë në temperaturën -15 gradë

Spartaku i Moskës ka refuzuar që të luajë për shkak të temperaturave shumë të ulëta. Ndeshja kundër FK Krylya në stadiumin “Metallurg” ishte e vlefshme për çerekfinalen e Kupës së Rusisë.

Dueli ishte programuar për sot në orën 15:30, ky takim u shty, pasi Spartaku i Moskës nuk pranoi të luante në temperaturat që shkonin -15 gradë celsius. Vendimi u mor pak orë para startit të ndeshjes, pasi drejtuesit e klubit dhe stafi teknik e pa të papërshtatshme zhvillimin e një ndeshjeje në ato kushte atmosferike.

Gjithsesi Spartaku i Moskës s’do ta humbasë sfidën në tavolinë, sepse rregullorja e Federatës së Futbollit të Rusisë e parashikon që një ndeshje futbolli mund të shtyhet për shkak të kushteve atmosferike.