Spektakël dhe 6 gola, gardianët shqiptarë ndajnë nga 1 pikë

Kishte kohë që nuk kishim parë 6 gola në një ndeshje të Seria A, dhe java e 17-të midis Atalantës dhe Lacio-s rezultoi shumë argëtuese për tifozët që ishin të pranishëm në Bergamo pasi panë të nxirret plot 6 herë topi nga rrjeta.

Vendasit e nisën mirë takimin, me Caldara e Iliçiç që kaluan në avantazh të dyfishtë Atalanten, por kundërpërgjigja e kryeqytetasve nuk vonoi, me mesfushorin e talentuar Milinkoviç-Saviç që shënuan 2 herë, në të 27-ën dhe të 35-ën, duke i drejtuar skuadrat me rezultat të barabartë drejt dhomave të zhveshjeve.

Edhe fraksioni i dytë ishte spektakolar, me Iliçiç që kaloi përsëri në avantazh Atalantën, pas egzekutimit perfekt të një 11 metërshi.

Po kur dukej se golat ishin “shterruar”, 10 minuta nga fundi ishte Luis Alberto që vendosi për herë të dytë ekuilibrat, dhe gjithë takimin me rezultatin 3-3.

Një rezultat që mund të jetë i mirë për Berishën e Strakoshën, me gardianët që nuk kishin faj në asnjë nga golat e pësuar.