Starova: Jorgji na penalizmi qëllimisht, na u mohua barazimi!

Sulejman Starova u bë protagonist negativ në momentet e fundit të sfidës Flamurtari-Partizani. Trajneri i të kuqve reagoi shumë ashpër pas një vendimi të gjyqtarit Enea Jorgji që dha penallti për Flamurtarin në minuan e undit për një prekje të topit me dorë të Atandës. Starova pas ndeshjes ka akuzuar rëndë arbitrin Jorgji, që sipas tij penalizoi Partizanin në sfidën e sotme.

“Enea Jorgji lau sot gjynahet që ka pasur me Vlorën. Kemi bërë ndeshjen perfekte dhe kemi zotëruar topin, por Jorgji na ka penalizuar ndjeshëm në këtë takim. Pezullimi im është problem i fundit që kemi, pas ka Partizani trajnerë sa të duash. Problemi i parë është që na u mohua barazimi padrejtësisht sot”, tha Starova.