Starton “Australian Open” – Shkëlqen Nadal, ja të kualifikuarit në fazën tjetër

Sot ka filluar “Grand slami” i parë i vitit në tenis “Australian Open”.

Tenisti spanjoll, Rafael Nadal tregoi një formë të shkëlqyer duke fituar me lehtësi 3-0 me sete (6-4, 6-3, 7-5) ndaj australianit, James Duckworth.

Në ditën e parë u paraqit edhe tenisti spanjoll Rafael Nadal, i cili tregoi formë të mirë duke e mposhtur me lehtësi 3-0 me sete, 6-4, 6-3, 7-5 australianin James Duckworth.

Dy setet e para u fituan me lehtësi nga spanjolli, që vuajti disi në setin e tretë, por në përgjithësi tregoi një formë të mirë dhe duket se është rikuperuar plotësisht nga lëndimi.

Siguroi një biletë për në raundin e dytë edhe afrikano-jugori Kevin Anderson, që iu imponua 3-1 sete  francezit Adrien Mannarino (6-3, 5-7, 6-2, 6-1). Numri 5 në botë pati vetëm një moment luhatjeje në setin e dytë, por më pas e dominoi lojën. Po 3-1 fitoi edhe tenisti bullgar Grigor Dimirov, që mposhti me përmbysje serbin Janko Tipsarevic (4-6, 6-3, 6-1, 6-4).

Çeku Thomas Berdych arriti një fitore të merituar ndaj britanikut Kyle Edmund me rezultatin 3-0 (6-3, 6-0, 7-5). Ndërsa francezi Gael Monfils eliminoi 3-0 (6-0, 6-4, 6-0) boshnjakun Damir Dzumhur, duke avancuar në raundin e dytë. Nuk zhgënjen as spanjolli Fernando Verdasco, që mposhti po 3-0 serbin Miomir Kecmanovic (7-5, 6-3, 6-3).