Priti penallti për Lazion, Strakosha: Mjaft me fjalë, duhen faktet (VIDEO)

Portieri i Lazios, Thomas Strakosha ka folur për “Sky Sport” pas fitores 2-0 në ndeshjen e prapambetur ndaj Udineses, që i mban ende në garë për në zonën që të con në Champions League sezonin e ardhshëm. “Gardiani” kombëtares u bë protagonist në minutën e 52-të, kur ndali penalltinë e gjuajtur nga De Pol dhe duke ruajtur epërsinë e kryeqytetasve.

“E dinim se Udinese ka një skuadër të mirë, e kemi merituar këtë fitore dhe kemi treguar se dimë të luajmë futboll. Mund të flemë të qetë sot, edhe falë penalltisë së pritur.

Në pjesën e dytë u futëm në fushë disi të tërhequr, por ata nuk kanë bërë më asnjë gjuajtje në portë pas penalltisë. Tani duhen faktet, objektivat janë të qarta që nga fillimi i sezonit pas shumë fjalëve të thëna”, ka përfunduar Strakosha.