Supersfida e javës, Partizani-Skënderbeu mbyllet me rrjeta të paprekura

Partizani dhe Skënderbeu janë ndarë në paqe. Supersfida e javës së 12 të Kategorisë Superiore është mbyllur në një barazimi pa gola, në “Selman Stërmasi”.

Partizani, që në këtë ndeshje nuk drejtohej nga Sulejman Starova, si pasojë e pezullimit pas ndeshjes me Kukësin, tentoi disa herë të gjente rrugën e rrjetës, por edhe shpërdoroi.

Skënderbeu vinte në këtë takim në një gjendje disi më të dobët fizike, si pasojë e impenjimit të enjten e kaluar me Dinamon e Kievit për ndeshjen e Europa League.

Me këtë rezultat, Skënderbeu vijon kryesimin e Superiores me 6 pikë më shumë sesa kampionët e Kukësit të vendit të dytë, ndërsa Partizani rikuperon një vend në klasifikim, duke u ngjitur në të gjashtin me 15 pikë në 12 javë.