Supertifozeria dhe stadiumi i mbushur, arkëtimet rekord të Skënderbeut

Të eliminosh Dinamon e Zagrebit patjetër që duhet të jesh një ekip shumë cilësor por edhe të kesh një mbështetje të madhe. Këtë e di mjaft mirë Skënderbeu të cilët tifozët korçarë por edhe shumë shqiptarë nuk ia kursyen mbështetjen mbrëmë në stadiumin “Elbasan Arena”.

Një atmosferë e jashtëzakonshme e cila ishte zemra e atij kualifikimi impresionues me 11 mijë e 500 vetë të cilët bënë të mos ndihet as mungesa e Nimagës i cili u përjashtua me karton të kuq. Gjithsesi shifrat që pati ky takim për 90 minuta kalojnë rekordin, pasi as për Kombëtaren kuqezi nuk e kishim parë kaq plot këtë impiant.

Prezenca e shumtë në stadium ishte krejt me vend pasi për këtë mendoi vetë klubi i cili i dha mundësinë gjithkujt që të mos mungonte. Kjo padiskutim që ishte një strategji e menduar mirë pasi solli edhe përfitime të konsiderueshme prej biletave. Mësohet se afërsisht janë arkëtuar 80 milionë lekë të vjetër për këtë ndeshje.