Surpriza, Ndoji: Nuk e prisja ftesën, Panucci erdhi për të më vëzhguar por ndeshja…

Për dy ndeshjet me skuadrat që janë disa herë kampione bote, trajneri ka ftuar për herë të parë mesfushorin e Kombëtares U-21, Emanuele Ndojin. Në një intervistë për “Top Channel”, ai ka treguar emocionet e ftesës në Kombëtaren A.

“Jam shumë i kënaqur. Nuk e mendoja se do të merrja një ftesë në këto momente nga Panuçi. Unë jam i gatshëm për Kombëtaren nëse trajneri do të vendosë të më aktivizojë. Por jam i ndërgjegjshëm dhe jam i ri, pres momentin tim.

Takimi? Trajneri Panuçi erdhi për të më vëzhguar në ndeshjen që ne kishim me Tirnanën, por për fat të keq ai takim u shty për shkak të reshjeve të shiut. Roli? Unë jam mesfushor dhe i gatshëm nëse trajneri do të vendosë të më aktivizojë, nëse jo nuk ka asnjë problem pasi jam i ri dhe pres momentin tim.

Shpresa apo Kombëtare? Normal që në Kombëtare është shumë më mirë, një mundësi më shumë për mua. Spanjë apo Itali? Nuk kam preferenca, atë e di trajneri”, ka deklaruar Ndoji.