Takaj shpërblim të majm në rast kualifikimi ndaj Dinamo Zagrebit

Skënderbeu ditën e sotme ka një mision shumë të vështirë pasi skuadra korçare kërkon të përsërisë suksesin e vitit 2015 ku u kualifikua në fazën e grupeve të Europa Leagues.

Në rast kualifikimi presidenti i Skënderbeut Ardjan Takaj ka vendosur në dispozicion një premio të majme me vlerë 200 mijë eurosh.

Nëse përsëritet i njëjti sukses atëherë klubi i Skënderbeut do të arkëtojë në financat e saj plot 3.3 milionë Euro.

Sot në orën 20:00 Skënderbeu do të presë në “Elbasan Arena” skuadrën e Dinamo Zagrebit në aktin final për një vend në fazën e grupeve të Europa Leagues.