Talenti Agim Zeka transferohet në formë huazimi në Portugali

Agim Zeka nis zyrtarisht një aventurë të re në Kategorinë e Dytë në Portugali me skuadrën e Varzimit. Ish-mesfushori i Skënderbeut është transferuar në formë huazimi për të luajtur pjesën e mbetur të sezonit.

Lajmi është konfirmuar nga klubi i Lilës, klubi që ka kartonin e tij pasi e bleu për 300 mijë euro nga korçarët. Në sezonin e fundit, Zeka ka qenë pjesë e skuadrës së dytë të Lilës, duke bërë paraqitje shumë të mira.

“Kam vetëm një ditë në këtë klub, por mbështetja që kam marrë është shumë e madhe. E di shumë mirë situatën aktuale të skuadrës dhe jam këtu për ta ndihmuar të ngjitet sa më shumë në klasifikim. Jam këtu për të dhënë 100 për qind”, ka thënë mesfushori në një prononcim për klubin e Varzimit.