Talenti i Dortmundit del pozitiv me Covid-19, humbet sfidat e radhës

Një rast i ri me Covid-19 te skuadra e Borussia Dortmund. Bëhet fjalë për talentin brazilian të huazuar nga Real Madrid, Reinier.

Futbollisti i ekipit verdhezi është asimptomatik dhe është izoluar menjëherë sipas procedurës së protokollit të vendosur nga institucionet shtetërore të shëndetësisë.

Klubi gjerman ka dhënë edhe njoftim për shtyp për gjendjen e futbollistit, që do të mungojë tashmë në ndeshjen e Champions League ndaj Club Brugge dhe në Bundesliga ndaj Koln.