Tare sfidon Bayernin: S’mund të shkonte më mirë se kaq, mund të bëjmë surprizën!

Nga goglat e shortit në Nyon, Lazio mësoi se do të kishte përballë skuadrën më në formë në Europë, Bayernin. Drejtori sportiv i bardhekaltërve, Igli Tare ka preferuar ta marrë me sportivitet këtë short.

“Më mirë se kaq nuk mund të shkonte. Shakatë mënjanë, luajmë kundër skuadrës që ka fituar edicionin e fundit të Champions League. Është favoritja, pòr nuk nisemi në start të mundur.

Do të përpiqemi ta përballojmë këtë ndeshje me entuziazëm të madh . E kemi merituar, nisemi jo favoritë por mund të besojmë se mund të bëjmë ndonjë surprizë”, deklaroi drejtori shqiptar i Lazios.