Tentoi të godiste me shkelm një nga lojtarët, gjyqtari francez dënohet 3 muaj

Gjyqtari Toni Çapron u bë i famshëm pas reagimit të tij shumë të çuditshëm në ndeshjen mes PSG dhe Nantës. Arbitri francez është pezulluar 3 muaj nga çdo aktivitet pasi tentoi që të godiste me shkelm mbrojtësin Diego Karlos të Nantës.

Pamjet e ndërhyrjes së gjyqtarit francez bënë xhiron e botës dhe sollën shumë polemika, por më pas situata u qartësua. Karlosit ju hoq kartoni, ndërkohë që arbitri do të jetë i detyruar që të qëndrojë thuajse deri në fund të kampionatit pa i rënë bilbilit. /Koha Jonë/