Teuta barazim pa gola në miqësoren ndaj Atyrau-t

Teuta ka zhvilluar sot testin e tretë miqësore me Atyrau-n. Skuadra që drejtohet nga Stavri Nica u ndal në një barazim 0-0. Pjesa e parë ishte më e mirë për ekipin durrsak, por pa mundur që të gjenin rrugën e rrjetës. Në fraksionin e dytë, Nica bëri disa ndryshime në formacion duke ndikuar edhe në lojën e skuadrës.

Atyrau është një ekip nga Kazakistani, të cilët e mbyllën sezonin në vendin e 8-të dhe po zhvillojnë përgatitjet për nisjen e sezonit të ri. Durrsakët vuajnë në gjetjen e golit dhe kjo gjë është vënë re edhe gjatë fazës përgatitore në Turqi.