Teuta pranë transferimit të sulmuesit të kombëtares bullgare

Pas largimit të Amadu Latif drejt kampionatit bjellorus, skuadra e Teutës duket se e ka gjetur zëvendësuesin e tij.

Bëhet fjalë për Radoslav Vasilev, i cili është shumë pranë finalizimit të marrëveshjes me skuadrën bregdetare. Skuadra me Blendi Shkëmbin në krye të stolit ka avancuar në bisedimet me qendërsulmuesin dhe tashmë pritet që 28-vjeçari të hedh firmën në kontratën e ofruar nga durrsakët.

Vasilev luan aktualisht në kampionatin bullgar për ekipin e Cherno More, ku u transferua në janar të vitit të shkuar. Lojtari i repartit ofensiv numëron 9 finalizime me klubin bullgar, duke tërhequr kështu vëmendjen e skuadrës shqiptare, që këtë sezon pretendon kualifikimin në Kupat Europiane.