Tirana barazon në miqësoren e parë ndaj Tobolit në Turqi (VIDEO)

Tirana ka zhvilluar miqësoren e parë në fazën përgatitore në Antalia. Bardheblutë kanë barazuar 1-1 ndaj ekipit nga Kazakistani të Tobolit. Tirana arriti të kalojë e para në avantazh që në minutat e para me Grecën. Futbollisti i Tiranës përfitoi nga një gabim i mbrojtjes kundërshtare.

Pjesa e parë është mbyllur në avantazh për kryeqytetasit, ndërsa në fraksionin e dytë Zhasulan Moldakarayev arriti që të barazonte pas një gabimi të Ilion Likës. Trajneri Ze Maria ka tentuar të provojë disa lojtarë në këtë ndeshje. Tirana kryeson tabelën e renditjes në Kategorinë e Parë. /Koha Jonë/