Tirana fundos në krizë Teutën, Skënderbeu shkatërron me “poker” Kastriotin

Tirana ka rrëmbyer një fitore shumë të rëndësishme për mbijetesë, duke përfituar edhe nga humbja e Kastriotit ndaj Skëndenderbeut. Bardheblutë fituan 3-1 ndaj Teutës në Durrës, në një ndeshje që dhuroi shumë gola dhe emocione.

Në minutën e 42-të, do të ishte Oduamandi pas një sprinti fantastik, që do të shënonte duke kaluar topin mes këmbëve të portierit. Në pjesën e dytë, në të 66-n, bardheblutë shënuan edhe golin e dytë me Edon Hasanin, që shërbehet mjaft mirë në zonë nga shoku i tij.

Teuta përpiqet që të reagojë me një veprim të bukur akrobatik të Kamara, por Karabeci nuk e kishte thënë, fjalën e fundit, pasi do të shënonte me një goditje nga distanca.

Skënderbeu shkatërron Kastriotin në shifrat 4-0, duke i dhënë një goditje të fortë për mbijetesën miqve. Muzaka hapi serinë e golave që në minutën e 14-t, ndërkohë që në çerekoheshin e fundit, do të shpërthenin me tri gola të tjerë. Oto John dhe dy herë Krasniqi shkatërruan skuadrën krutane. /R.Lika-Koha Jone/