Trajneri i Italisë: Na duhet fitore ndaj Shqipërisë

Trajneri i Italisë, Gian Piero Ventura ka dalë në konferencë për shtyp para ndeshjes kundër Shqipërisë.

Ai i është përgjigjur interesit të gazetarëve, duke u shprehur: “Jam shumë i qetë. I kam parë futbollistët e mi të stërviten mirë. Megjithatë duhet të përmirësohemi. Personalisht jam i kënaqur me ato çka kam parë nga skuadra në këto 14-15 muaj.

Mund të bënim diçka më shumë në këto Eliminatore, sigurisht. Por, gjithsesi nuk mund të ankohemi.

Shqipëria? Të luash këtu për herë të parë dhe për më tepër për Eliminatore të Botërorit është një moment historik për shqiptarët. Do të jetë një ndeshje interesante edhe pse jemi të kualifikuar për në play-off.

Duhet të fitojmë për të qenë në krye të skuadrave gjatë shortit të play-off-it”, deklaroi trajneri i Italisë.