Trajneri i Skënderbeut, Daja: Mund të fitonim, do bëjmë maksimumin për vendin e dytë në grup

Në përfundim të ndeshjes së humbur me rezultatin 3-1, trajneri i Skënderbeut, Ilir Daja, është shprehur i kënaqur me pjesën e parë, por jo me të dytën. Tekniku i korçarëve u shpreh se gjatë lojës kishte menduar fitimin e ndeshjes, por pavarësisht kësaj tani do të fokusohej në objektivin tjetër, arritjen e vendit të dytë në grup.

“Jam i kënaqur me mënyrën si e filluam ndeshjen. Gjatë gjithë pjesës së parë bëmë një punë shumë të mirë. Pas pushimit, fatkeqësisht, çdo gjë ndryshoi. Por nuk duhet harruar që luanim kundër skuadrës më të mirë të grupit në transfertë. Sigurisht, Dinamo ishte favorite. Kur rezultati ishte 2-1, tentuam të ushtronim presion dhe të barazonim rezultatin, por më pas penalltia na theu. U munduam të freskonim lojën me zëvendësime, por nuk solli ndryshim”, tha fillimisht Daja.