Tronditet ekipi kuqezi, helmohet një futbollist

Disa orë para ndeshjes me Maqedoninë, ekipi shqiptar ka marrë një lajm jo shumë të mirë. Futbollisti Eros Grezda rrezikon të mos luajë përballë Maqedonisë, pasi ka pësuar një helmim nga ushqimi dhe nuk është në gjendje të mirë.

Stafi mjekësor është duke monitoruar gjendjen e tij, ndërsa pritet të bëhen edhe disa analiza për të mësuar më mirë situatën.

Grezda pritej të ishte në formacionin startues ditën e sotme në përballjen e kuqezinjve në Strumicë të Maqedonisë.