U kërcënua me vdekje pas një kartoni i kuq, gjyqtari i njohur anglez merr vendimin e papritur

Ndeshja e fundjavës së kaluar mes Fulham dhe West Ham vazhdon të jetë në qendër të polemikave në Angli. Në fundin e takimit ishte gjyqtari Mike Dean që u bë protagonist, me atë karton te kuq ndaj mesfushorit të West Ham, Tomas Soucek.

Dean edhe pasi pa sërish episodin në sistemin VAR, e akordoi sërish kartonin, i cili shkaktoi aq shumë polemika. Anglezi menjëherë pas ndeshjes mori shumë kritika, madje edhe kërcënime me vdekje për të dhe familjen e tij.

Si pasojë e këtyre kërcënimeve dhe ofendimeve, gjyqtari 55-vjeçari kërkoi nga Federata Angleze e Futbollit që të mos arbitronte asnjë ndeshje këtë javë.