UEFA vë rregulla të forta për flamujt në Superkupën e Europës

Më 8 gusht në stadiumin “Telekom Arena” të Shkupit do të luhet Superkupa e Europës mes Real Madridit (fitues i Champions League) dhe Manchester United (fitues i Europe Lague).

UEFA dhe Federata e Futbollit të Maqedonisë kanë njoftuar se tifozët që do të jenë në stadium do të mbajnë vetëm flamuj të shteteve të dy ekipeve finaliste, domethënë flamurin e Spanjës dhe të Anglisë.

Sipas njoftimit të EUFA-s dhe FFM-së, flamujt nuk duhet të jenë më shumë se 1 metër të gjatë dhe 250 centimetra të gjerë, në të kundërt do të konfiskohen.

Gjithashtu nuk do të lejohen flamujt të cilët përcjellin mesazhe me përmbajtje kërcënuese për sigurinë publike ose kanë mesazhe diskriminuese dhe ofenduese.

Nuk do të lejohen edhe flamujt të cilët pengojnë shikuesit tjerë dhe kamerat të cilat do të transmetojnë ndeshjen e madhe.