Universiteti i Padovas zbulon shkakun e vërtetë të vdekjes së mbrojtësit Astori

Ndarja e papritur nga jeta e ish-mbrojtësit Davide Astori është bërë së fundmi objekt i një kërkimi shkencor të Universitetit të Padovas. Sipas tyre rezulton se bëhet fjalë për një sëmundje të fshehur në gradë për të goditur papritur dhe në 20% të rasteve mund të mos lërë gjurmë të qarta. Si në rastin e Astori-t.

Ekspertiza e re, e kërkuar nga Prokuroria e Firences për të kuptuar nëse Astori mund të ishte shpëtuar, u sigurua nga Universiteti i Padovas, i specializuar në kërkimet patologjike. Siç raporton “Il Corriere della Sera”, janë analizuar rreth 800 raste të ngjashme të vdekjeve të të rinjve nën 35 vjeç.

“100 janë sportistë” shpjegoi anatomopatologia Cristina Basso e Departamentit të Shkencave Kardiologjike, Torakale dhe Vaskulare. Dhe për këto vdekje shkaku është pikërisht kardiomopatia artimagjene, sëmundje e trashëgueshme që vret një në katër sportistë. Të rinjtë që vuajnë nga kjo sëmundje, sporti iu shton riskun për të vdekur.

Ekspertiza, megjithatë, nuk iu jep prokurorëve qartësi për të marrë përgjegjësitë e duhura, për këtë arsye hetimi mbetet i hapur.