Valverde: Mungesa e Messit do të “peshojë” ndaj Interit

“Mungesa e Messit sigurisht që do të ketë ndikim, por duhet t’i fitojmë ndeshjet edhe pa të”. Kështu është shprehur trajneri i Barcelonës Ernesto Valverde në prag të duelit ndaj Interit në Ligën e Kampionëve.

“Ka disa futbollistë të ndryshëm që mund ta zëvendësojnë, mund edhe të ndryshojmë modul për ta bërë sa më pak të dukshme mungesën e tij. Rafinha mund të jetë një opsion për ta zëvendësuar dhe jo përse nuk ka luajtur me Interin.

Përpara kemi një skuadër që po kalon momentin më të mirë sezonin, pasi vjen pas 7 fitoreve radhazi, ka fituar shpesh në minuat e fundit dhe kanë një frymë pozitive. Do të jetë nj ndeshje e bukur dhe e rëndësishme, sepse kush fiton, do të bëjë një hap përpara për kualifikimin”, ka thënë trajneri i ekipit blaugrana. /Koha Jone/