Valverde thotë se kush është favoriti në klasiken Real Madrid-Barcelona

Me 11 pikë më shumë se Real Madridi, Barcelona viziton e qetë “Santiago Bernabeun” të shtunën, sfidë kjo që zhvillohet në orën 13:00 si asnjëherë tjetër.

Për shkak diferencës së pikëve, gazetarët spanjollë e kanë pyetur trajnerin e Barcelonës, Ernesto Valverde, nëse katalanasit janë favorit për sfidën e nesërme.

Por, Valverde mendon se renditja është gjëja e fundit që duhet parë në të tilla ndeshje.

“Nuk mendoj se ne jemi favorit”, tha Valverde në konferencën për shtyp.

“Ndoshta renditja është gjëja e fundit që duhet parë në këto ndeshje, që janë shumë speciale. Ndeshje të tilla nuk varen as nga forma, por gjithçka ka të bëjë me tensionet mes ekipeve ndër vite. Ata kanë avantazhin e vendasit, e që është shumë e rëndësishme. Kështu që, unë nuk do të thosha që ne jemi favorit”, shtoi Valverde.