VAR zyrtarisht në Premier League në sezonin e ardhshëm

Video Assistant Referee (VAR) do të përdoret në Premier League duke filluar nga sezoni i ardhshëm. Konfirmimi zyrtar erdhi pasi klubet kanë rënë dakord për këtë hap të rëndësishëm, që do të lehtësojë jo pak punën e arbitrave dhe do të kufizojë gabime që mund të vendosin fatet e një sfide.

Në takimin e pjesëtarëve të Premier League, klubet kanë marrë një përditësim të provave të VAR që janë zhvilluar gjatë muajve të fundit.

Tani Premier League do t’i bëjë një kërkesë formale Bordit Ndërkombëtar të Shoqatës së Futbollit dhe FIFA-s për përdorimin e VAR sezonin e ardhshëm.