VIDEO/ Panik në Manchester, Lukaku rrezikon jetën nga kjo përplasje kokë më kokë

Manchester United po luan me Southamptonin në “Old Trafford” ndeshjen e vlefshme për javën e 21-të të Premierligës.

Një dëmtim i rëndë i ka ndodhur sulmuesit Romelu Lukaku, i cili pasi ka qëndruar për disa minuta i shtrirë në fushën nën kujdesin e mjekëve, më pas është larguar me barrelë.

Në minutën e 8-të, sulmuesi i “Djajve të Kuq” mbeti i dëmtuar pas një përplasjeje në ajër me Wesley Hoedt, duke shkaktuar për disa minuta panik në “Old Trafford”.

Stafi mjekësor i erdhi menjëherë në ndihmë futbollistit belg, madje duke përdorur edhe maskën e oksigjenit, pasi sulmuesi kishte humbur ndjenjat.

Pas 6 minutash i shtrirë në fushë, Lukaku u transportua me barrelë për të marrë ndihmë më të specializuar mjekësorë dhe për t’iu nënshtruar ekzaminimeve më të hollësishme. Në vend të tij Mourinho hodhi në fushë Marcus Rashford.