Zbulohet vlera ‘faraonike’ që do paguajë PSG-ja për të transferuar Mbappe

Mungon vetëm zyrtarizimi pasi Kylian Mbappen do të veshë fanellën e Paris Saint-Germain që do të paguajë një shumë të majme për të marrë kartonin e talentit francez.

Për shkak të Fair Play-it financiar, Mbappe fillimisht do të transferohet në Paris në formë huazimi, ndërsa në fund të sezonit klubi do të marrë plotësisht kartonin e tij.

Sipas RMC Sport, Paris Saint-Germain do të paguajë 166 milionë funte (180 milionë euro) për transferimin e francezit që shkëlqeu këtë sezon me Monacon.

Kujtojmë që më parë PSG shpenzoi 222 milionë euro duke paguar klauzolën e lirimit të Neymarit.

Paris Saint-Germain po përgatitet të formojë treshen ideale të sulmit: Mbappe, Cavani dhe Neymar.

/ SYRI.net /