ZYRTARE/ Nejmar do të operohet, mungon ndaj Realit

Nejmar do të mungojë zyrtarisht në ndeshjen e kthimit ndaj Realit. Braziliani është vizituar sot nga mjekët e kombëtares dhe në bashkëpunim me ata të PSG-së, kanë marrë një vendim, të cilin e ka bërë të ditur vetë klubi francez në një komunikatë.

“Pasi kemi verifikuar shkallën e dëmtimit të Nejmar, kemi vendosur së bashku me mjekët e kombëtares braziliane, por edhe me vetë lojtarin, që ai t’i nënshtrohet një operacioni. Ndërhyrja kirurgjikale do të kryhet në Brazil, në fundjavë, nga DR. Rodrigo Lasmar, I asistuar nga Dr. Salliant, i klubit tonë”, thuhej në komunikatën e PSG-së.

Nejmar nuk do të jetë i pranishëm në sfidën ndaj Realit, më 6 mars, pasi në këtë periudhë do të jetë në Brazil. Ai pritet që të mungojë për dy muaj.