ZYRTARE/ Xhevahir Sukaj firmos me skuadrën e Vllaznisë

Tashmë nuk ka më asnjë dilemë. Xhevahir Sukaj është futbollisti më i ri i skuadrës së Vllaznisë. Lajmi është konfirmuar nga faqja zyrtare e klubit shkodran, teksa bomberi ka nënshkruar edhe kontratën me klubin e ri.

“Vllaznia bën realitet përforcimin e parë në merkaton e janarit. Ashtu siç pritej, firma e parë e hedhur në kontratë ka qenë ajo e sulmuesit shkodran Xhevahir Sukaj. Lojtari pak minuta më parë ka firmosur kontratën e re bashkë me administratorin Astrit Gjyrezi, kontratë që e lidh atë me klubin tonë deri më 31 maj të këtij viti.

Natyrisht ardhja e një lojtari të tillë me shumë vlera, do të jetë një plus i madh për skuadrën në gjysmës së parë të kampionatit. Sukaj do të udhëtojë bashkë me ekipin nesër drejt Ulqinit për të vijuar me përgatitjet për nisjen e ndeshjeve zyrtare të këtij viti”, shkruan Vllaznia në njoftimin për mediat. /Koha Jonë/